Një 49-vjeçar është arrestuar në është arrestuar në Pikën Kufitare të Portit të Durrësit pasi u kap duke kontrabanduar mallra dhe nuk deklaroi një sasi parash.
Blutë bëjnë me dije se shtetasit O. T., 49 vjeç, gjatë kontrollit fizik ndaj tij dhe kamionit që drejtonte, iu gjetën dhe sekuestruan një pajisje elektronike (përforcues valësh), një shumë monetare, të padeklaruara dhe pa dokumentacion shoqërues, si dhe një sasi të vogël lënde e dyshuar narkotike Cannabis Sativa.
Njoftimi i Policisë:
Specialistët e për Hetimin e Krimeve në Drejtorinë Vendore për Kufirin dhe Migracionin Durrës arrestuan në flagrancë shtetasin O. T., 49 vjeç, banues në Durrës, pasi dyshohet për veprat penale “Kontrabanda me mallra të tjera”, “Mosdeklarimi në kufi i të hollave dhe i sendeve me vlerë” dhe “Prodhimi dhe shitja e narkotikëve”.
Në PKK Port Durrës, në dalje, gjatë kontrollit fizik ndaj tij dhe kontrollit në kamionin që ai drejtonte, shërbimet e Policisë Kufitare gjetën një pajisje elektronike (përforcues valësh), një shumë monetare, të padeklaruara dhe pa dokumentacion shoqërues, si dhe një sasi të vogël lënde e dyshuar narkotike Cannabis Sativa. Në cilësinë e provës materiale u sekuestruan pajisja elektronike, një shumë e konsiderushme parash, lënda e dyshuar narkotike, kamioni dhe celulari i të arrestuarit.
Top Channel
