Puthje dhe përqafime në Los Angeles mes Dakota Johnson dhe partnerit të saj të ri, aktorja konfirmon lidhjen e re të dashurisë 05/04 13:56
Aktorja amerikane Olivia Munn ka ndarë një rrëfim prekës për momentin kur arriti të ndihej sërish e bukur, pas një periudhe të vështirë përballjeje me kancerin e gjirit.
45-vjeçarja, e diagnostikuar me kancer të dyfishtë në gji në vitin 2023, tregoi për revistën People se pas katër operacioneve nuk ndihej më vetvetja dhe kishte humbur besimin në pamjen e saj.
Megjithatë, ajo vendosi t’i japë vetes një mundësi duke marrë pjesë në festën e ditëlindjes së partnerit të saj, James Marsden. “U bëra gati, u kujdesa për veten dhe mendova: ‘Në rregull, ndihem mirë’”, rrëfeu ajo, duke e përshkruar atë mbrëmje si një pikë kthese.
Olivia Munn Recalls the First Moment She Felt Beautiful After Multiple Breast Cancer Surgeries (Exclusive) https://t.co/Zjoz4KyygW
— People (@people) April 4, 2026
Mbrëmja rezultoi edhe më e veçantë, pasi partneri i saj, John Mulaney, i propozoi martesë, duke zgjedhur pikërisht atë moment kur Olivia ndihej sërish mirë me veten.
Aktorja tregoi më tej: “Ai më tha: ‘E dija që doje të ndiheshe vërtet mirë dhe doja të të jepja këtë moment pikërisht tani. Nuk e dija se kur do të ishte, por kur the se doje të ishe në këtë festë ditëlindjeje dhe t’i jepje vetes një shans për t’u veshur bukur, mendova: ‘Ky është momenti i përsosur për ta bërë’.”
Olivia theksoi se gjithçka mund të kishte qenë ndryshe nëse nuk do të kishte shkuar në atë festë: “Epo, nëse nuk do të kisha shkuar në atë festë, ai do të më kishte propozuar përfundimisht,” tha ajo, duke shtuar: “Ishte thjesht një moment kaq i përsosur, shumë i përsosur.”
Çifti u martua në verën e vitit 2024, në një ceremoni modeste, duke shënuar një kapitull të ri në jetën e tyre pas sfidave të mëdha shëndetësore.
Top Channel
