Në Argjentinë tani besojnë me të vërtëtë; rikthimi në vendlindje i Paulo Dybalas tani është më shumë se një zë merkatoje.
Sulmuesi argjentinas edhe këtë sezon ka munguar në shumë ndeshje për shkak dëmtimi dhe bisedimet me Romën për rinovimin e kontratës që skadon në qershor në të vërtetë nuk kanë nisur, arsye kjo që bën të mendosh se karriera e Dybalës në futbollin italian është mbyllur.
Në të ardhmen e Dybalës, siç konfirmohet edhe në median argjentinase është Boca Junior ku aktivizohet edhe miku i futbollistit Paredes me këtë të fundit që do ta priste Dybalën me krahë hapur. Gjithnjë sipas asaj të publikohet në Argjentinë, Riquelme po vijon punën për ta sjellë La Joya në Buenos Aires, ndërkohë që mësohet se Dybala ka vendosur të pranojë kthimin në vendlindje kryesisht për arsye familjare.
Në fakt, bashkëshortja e Paulo Dybalës nuk e ka fshehur dëshirën për t’u kthyer në Argjentinë dhe pas lindjes së vajzës së tyre e ka rritur presionin mbi futbollistin, madje së fundmi ajo në rrjetet sociale ka bërë të ditur se ka pranuar një ofertë pune në Argjentinë, për një program që është përshtatje e atij amerikan ‘True Crime’.
Top Channel
