Sulmi ajror në Afganistan godet qendrën e rehabilitimit, dhjetëra viktima dhe qindra të lënduar 17/03 09:58
Sulmet dhe tensionet në Lindja e Mesme vijojnë të përshkallëzohen në ditën e 17-të të konfliktit.
Gjatë natës, disa sulme ajrore goditën periferitë jugore të Bejrut, ndërsa shpërthime u raportuan edhe në zona të tjera të Libanin jugor, në kuadër të përplasjeve mes Izraelit dhe Hezbollahut.
Ndërkohë, tensionet kanë ndikuar edhe në trafikun ajror në rajon. Aeroporti Ndërkombëtar i Dubait njoftoi pezullimin e përkohshëm të fluturimeve pas një incidenti të lidhur me një dron që shkaktoi zjarr pranë një rezervuari karburanti.
Në këtë situatë, presidenti amerikan Donald Trump deklaroi se SHBA po zhvillon bisedime me disa vende për patrullimin e Ngushticës së Hormuzit, duke paralajmëruar se Uashingtoni “do të mbajë mend” se cilat shtete zgjedhin të mos ndihmojnë në këtë përpjekje.
Një linjë e drejtpërdrejtë komunikimi midis të dërguarit special të SHBA-së, Steve Witkoff, dhe Ministrit të Jashtëm iranian, Abbas Araghchi, është riaktivizuar ditët e fundit, sipas një zyrtari amerikan dhe një burimi të njohur me çështjen, duke shënuar kontaktin e parë të njohur të drejtpërdrejtë midis dy palëve që nga fillimi i luftës më shumë se dy javë më parë.
Kryeministrja e Italisë, Giorgia Meloni, ka deklaruar se vendi i saj nuk planifikon të ndërhyrje ushtarakisht në ngushticën e Hormuzit, duke theksuar se një hap i tillë do të nënkuptonte përfshirje më të thellë në konfliktin e Lindjes së Mesme.
Një ushtar mbeti i plagosur në një bazë italiane në Jug të Libani, pasi disa mbetje raketash të shkatërruara ranë mbi të.
Udhëheqësi i ri suprem i Iranit i mbijetoi sulmeve ajrore amerikane dhe izraelite sepse doli jashtë për një shëtitje në kopshtin e tij disa minuta para se shtëpia e tij të goditej nga raketat.
Presidenti amerikan, Donald Trump u tha gazetarëve sot se nuk e di nëse udhëheqësi i ri suprem i Iranit, Mojtaba Khamenei, i cili nuk është shfaqur në publik në ditët që nga njoftimi i emërimit të tij, është gjallë.
Presidenti i SHBA-së, Donald Trump, deklaroi se forcat amerikane kanë shkatërruar më shumë se 30 anije iraniane që dyshohet se përdoreshin për vendosjen e minave detare në ngushticën e Hormuzit.
NATO po shqyrton forcimin e mëtejshëm të mbrojtjes nga raketat në Turqi për t’iu kundërvënë kërcënimeve të mundshme nga Irani, sipas Bloomberg.
17:25 Keir Starmer mund të dërgojë anti-dronë në Lindjen e Mesme, çfarë është sistemi “Oktapod”
Sir Keir Starmer mund të dërgoj mijëra interceptorë dronësh në Lindjen e e Mesme për të përballuar armët iraniane të cilat janë bërë pengesë e fushatës ushtarake amerikano-izraelite në luftën në Iran, që sipas burimeve ushtarake britanike do i kundërpërgjigjen “aksit të agresionit” mes Rusisë dhe Iranit.
Presidenti i SHBA-së, Donald Trump, shprehu sot besim se konflikti me Iranin nuk do të zgjasë shumë, ndërsa deklaroi gjithashtu se çmimet ndërkombëtare të naftës do të bien ndjeshëm kur të përfundojë lufta.
Porti kryesor i naftës në Emiratet e Bashkuara Arabe dhe aeroporti ndërkombëtar i Dubait janë goditur nga sulme me dronë, ndërsa Irani vazhdon të shënjestrojë infrastrukturën e transportit dhe energjisë në rajon.
Rihapja e Ngushticës së Hormuzit, një pikë strategjike për tregtinë globale të naftës dhe hidrokarbureve të tjera, nuk mund të konsiderohet një “mision i NATO-s”. Këtë e deklaroi kryeministri britanik, Keir Starmer, në një konferencë për media këtë të hënë.
Lideri i ri suprem i Iranit, Mojtaba Khamenei, është në një gjendje kritike dhe po mbahet në jetë me ndihmën e makinerive të frymëmarrjes, shkruan The Sun.
Ministri i Jashtëm gjerman Johann Wadephul, e përjashtoi mundësinë që Gjermania të marrë pjesë në një mision për sigurimin e Ngushticës së Hormuzit. Në një intervistë për emisionin televiziv “Bericht aus Berlin”, ai theksoi se për momentin, Gjermania nuk do të përfshihet në këtë konflikt ushtarak.
10:53 Trump kërcënon NATO-n: Do e keni punën keq po nuk na ndihmuat me Ngushticën e Hormuzit
Donald Trump nuk e toleron një NATO indiferente ndaj konfliktin me Iranin: Presidenti i SHBA-së e paralajmëroi aleancën për një të ardhme “shumë të keqe” nëse ndihmon për hapjen e Ngushticës së Hormuzit. Shefi i Shtëpisë së Bardhë i tha Financial Times se vendet që përfitojnë nga kjo rrugë detare duhet të ndihmojnë në sigurimin e saj.
10:52 Lufta në Lindjen e Mesme, Izraeli njofton: Shkatërruam avionët që përdoreshin nga Ali Khamenei
Forcat e armatosura izraelite njoftuan se gjatë natës kanë shkatërruar një avion të përdorur më parë nga ish-udhëheqësi suprem iranian, Ali Khamenei, në aeroportin Mehrabad të Teheranit.
10:01 Deklarata e Trump për luftën, Kina bën thirrje për ndalimin e menjëhershëm të operacioneve ushtarake
Kina ka reaguar pas deklaratave të fundit të Presidentit amerikan Donald Trump, i cili paralajmëroi se mund të shtyjë një samit me liderin kinez Xi Jinping nëse Pekini nuk ndihmon për sigurimin e Ngushticës së Hormuzit.
08:59 Bejruti tronditet nga sulmet ajrore, shkon në 850 numri i të vrarëve që nga nisja e konfliktit
Disa sulme ajrore goditën gjatë natës periferitë jugore të Bejrutit, ndërsa shpërthime u raportuan edhe në disa zona të Libanit jugor.
08:40 Sulm me raketë në Abu Dhabi, humb jetën një palestinez
Të paktën një person ka humbur jetën pasi një raketë goditi një automjet civil në Abu Dhabi, në Emiratet e Bashkuara Arabe, sipas autoriteteve lokale.
07:38 Patrullimi i Ngushticës së Hormuzit, Trump bën paralajmërimin e radhës: Do të mbaj mend vendet që nuk do të ofrojnë ndihmë
07:24 Incident me dron pranë një pike karburanti, pezullohen fluturimet në aeroportin e Dubait
Aeroporti Ndërkombëtar i Dubait ka pezulluar përkohësisht fluturimet pasi një dron u rrëzua mbi një pikë karburanti dhe shkaktoi zjarr.
Presidenti i SHBA-së, Donald Trump, paralajmëroi vendet që nuk ndihmojnë Amerikën për Ngushticën e Hormuzit.
Top Channel
