Pak ditë para sfidës me Poloninë, Rey Manaj lë fushën e lojës i dëmtuar… 15/03 12:50
Dy orë në dhomat e zhveshjes, Interi u largua nga San Siro rreth orës 19:00 të së shtunës, kur ndeshja me Atalantën kishte kohë që kishte përfunduar, por zemërimi ishte ende i fortë.
Heshtja e shtypit u bë për të evituar tensione të mëtejshme e ndoshta edhe deklarata që mund të sillnin ndonjë skualifikim duke qenë se në Firenze, Interi do të shkojë pa Chivun në pankinë me rumunin që u ndëshkua me karton të kuq.
Fjalë dhe fraza, të kuptueshme me tone të dëshpëruara, por që kanë mbetur brenda kufijve të edukuatës, shkruan e përditshmja ‘La Gazzetta Dello Sport’. Giuseppe Marotta kërkon dhe ia del të ketë një konfrontim me skuadrën arbitrale që gjithnjë sipas kësaj të përditshmeje zgjati gjysmë ore dhe në fund drejtuesit vendosën që të aplikonin heshtjen e shtypit si strategji komunikative
Dyshimi ose më mirë të themi, frika e Interit është që pas 3 episodeve të fundit(Ricci në derbi, Sulemana-Dumfries e Scalvini-Frattesi me Atalantën) është pesha mediatike e të gjitha fjalëve të thëna kundër Alessandro Bastonit në episodin me Kalulu në sfidën mes Interit dhe Juventusit. Një sitatë që mund të ndikojë edhe në mënyrë indirekte mbi klasën arbitrare kur duhet të vendosë drejtësi në ndeshjet e Interit.
Top Channel
