Mikel Arteta mund të rrezikojë të shkarkohet nga Arsenali nëse përsëri dështon në të fitojë titullin, ka paralajmëruar legjenda e Premier League, Alan Shearer.
Shearer, ish-sulmuesi i njohur, mendon se Arteta mund të jetë nën presion të madh nëse Arsenali përfundon sërish i dyti, për herë të katërt radhazi.
Komentet erdhën pas një barazimi të papritur për ekipin e Artetës, 2-2 kundër Wolves, ekipit të fundit të tabelës, të mërkurën.
Arsenali kishte dominuar ndeshjen, duke udhëhequr 2-0 me gola nga Bukayo Saka dhe Piero Hincapie. Megjithatë, Wolves arriti të ngushtojë diferencën në minutën e 61-të me një goditje të mrekullueshme nga Hugo Bueno dhe, në minutën e 94, një gabim i mbrojtjes së Arsenalit shkaktoi një barazim dramatik nga Tom Edozie, duke përfunduar ndeshjen 2-2.
Ky barazim ishte i pari në historinë e Premier League që një skuadër në krye të tabelës nuk arrin të fitojë pas një avantazhi 2-0 ndaj një skuadre në zonën e rënies. Pas këtij rezultati, Arsenali ka vetëm pesë pikë më shumë se Manchester City i Pep Guardiola, i cili mund të ngushtojë hendekun në vetëm dy pikë të shtunën.
Në një diskutim në podkastin “The Rest Is Football”, Micah Richards komentoi për vështirësitë e Artetës, duke thënë: “Kam thënë që në fillim të vitit se Arsenali duhet të lëshojë frenat, dhe e bënë për disa muaj, por më pas ndodhi një ndryshim.” Richards sugjeroi se vendimi për të luajtur një futboll të kontrolluar mund të jetë një faktor që ndikon negativisht në ekipin e Artetës.
Në fund, Shearer shkoi më tej duke thënë: “Nëse Arteta nuk fiton titullin, mund të mos jetë më trajner i Arsenalit. Ata kanë pasur mundësi të fitonin, kanë investuar shumë në lojtarë dhe ndodhen ende në një pozicion të fortë. Duhet të fitojnë titullin.”
Top Channel
