Shqipëria gati për turneun europian të parë të vitit 2026, fillon në muajin shkurt 10/02 16:52
Në muajin janar në Milanello erdhi Fullkrug dhe për një kohë të gjatë kuqezinjtë ndoqën Mateta. Në krahun tjetër për Christopher Nkunku u fol për një transferim te Fenerbahçe dhe Roma, por sulmuesi francez i ka pasur gjithnjë idetë e qarta.
‘Nuk e kam menduar kurrë largimin na Milani. Agjenti im nuk më ka folur për oferta dhe kështu pëe mua ishin vetëm zëra-tha Nkunku ‘La Gazzetta Dello Sport’-pastaj ai më njeh mirë; nuk i kam kërkuar të shikojë për klube të tjerë sepse doja vetëm të isha gati që të jepja më të mirën te Milani. E di ku dua të qëndroj dhe duhet të kem durim nëse njerëzit flasin’
Dhe njerëzit pas një fillimi të vështirë të sulmuesit që u transferua te Milani në verë për rreth 40 milionë euro, ‘e ngelën në klasë’ përpara kohe Nkunku i cili që nga ndeshja ndaj Veronës kur është zhbllokuar nuk është ndalur më dhe tani dëshiron të fitojë zemrën edhe të tifozëve më skeptikë
‘Për mua ishte e vështirë sepse nuk kisha lënë kurrë një fazë përgatitore dhe verën e ardhshme do të bëj gjithçka që kjo të mos ndodhë më-vijoi Nkunku-u përpoqa që ruaj qetësinë sepse i di cilësitë e mia dhe e dija që golat do të vinin, ishte vetëm çështje kohe. Objektivi për numrin e golave? Nuk flasim për shifra, unë kam si objektiv të shfrytëzoj shanset që kam për shënim; nëse janë 10-12, fokusi im është të shënoj 10-12 gola’.
Një meritë të madhe për rizgjimin e francezit ka trajneri Massimiliano Allegri.
‘Kur trajneri thotë diçka, duhet ta bësh tënden sepse ai ka shumë eksperiencë-shtoi Nkunku-gjëja më e rëndësishme është të bësh atë që të kërkon Allegri’
Francezi më pas foli për shokët e tij të skuadrës duke nisur nga bashkëkombasit e tij.
‘Adrien Rabiot gjithnjë e kam njohur si një lojtar kaq të fortë-tha Nkunku-ndoshta tani është pak më shumë vendimtar. Kjo edhe sepse Allegri e do më shumë ofensiv, ndërsa më përpara luante më poshtë. Ai ka një goditje fenomenale dhe vrapon shumë. Mendoj se ai mund të luajë çdo ditë 90 minuta sepse asnjëherë nuk është i lodhur dhe është në kulmin e karrierës së tij’
Christopher Nkunku nuk i kurseu as elozhet për Mike Maignan,
‘Mike na ndihmoi të bëjmë shumë pikë, është një lider i vërtetë dhe në dhomën e zhveshjes kur ai nis të flasë, të gjithë e dëgjojnë-tregon Nkunku-një kapiten i vërtetë. Nuk mund t’i thonim ‘qëndro, qëndro’, por tani që rinovoi jemi më të qetë, është diçka e mirë për klubin që ai qëndroi’.
Dhe në fund Nkunku foli edhe për Modric dhe Leao.
‘Luka është super; ka një cilësi unike dhe bën dërgime topi fantastike, nëse tentoj unë më spostohet ija. E pabesueshme, është 40 vjeç por mund të luajë deri në 45-46 vjeç-tha Nkunku-Leao, kush është më i shpejtë? Në distanca të gjata ndoshta Rafa, në ato më të shkurtra, ndoshta unë’.
Top Channel
