Rreth 1 mijë pacientë në urgjencë në 20 ditët e fundit.
Ulja e temperaturave ka sjellë një rritje të ndjeshme të rasteve me viroza dhe grip sezonal tek fëmijët në Lezhë. Vetëm gjatë 20 ditëve të fundit, rreth 1 mijë fëmijë kanë kërkuar ndihmë mjekësore në Urgjencën Pediatrike, ndërsa 93 prej tyre janë shtruar për trajtim të specializuar.
Sipas mjekut pediatër Bardhok Gjoka, tre raste kanë qenë në gjendje të rënduar dhe janë transportuar drejt Tiranës për mjekim më të specializuar. Ndërkohë, nuk kanë munguar as rastet e infektimit me SARS-CoV-2 tek fëmijët.
Mjekët parashikojnë se fluksi i fëmijëve të prekur nga virozat dhe gripi do të vijojë të mbetet i lartë edhe në javët në vijim, ndaj apelojnë për kujdes maksimal nga prindërit për të shmangur përhapjen e infeksioneve.
Top Channel
