Witkoff dhe Kushner në Moskë, nisin takimet me Putinin për luftën në Ukrainë 22/01 21:48
Thashethemet rreth shëndetit të presidentit amerikan, Donald Trump po ndizen përsëri, pasi kreut të Shtëpisë së Bardhë iu vunë re disa mavijosje në dorën e djathtë gjatë fjalimit të tij në Davos.
Presidenti amerikan iu drejtua udhëheqësve dhe zyrtarëve nga e gjithë bota, pas ceremonisë së nënshkrimit për themelimin e Këshillit të Paqes, në Forumin Ekonomik Botëror në Zvicër.
Është raportuar se presidenti amerikan vuan nga pamjaftueshmëria kronike venoze, një gjendje në të cilën venat kanë vështirësi në kthimin e gjakut në zemër për shkak të mosfunksionimit të valvulave, gjë që mund të shkaktojë ënjtje dhe ndryshim të ngjyrës në kyçet e këmbëve dhe në duar.
Sipas ekspertëve, kjo sëmundje vërehet kryesisht tek njerëzit mbi 70 vjeç dhe raportohen më shumë se 200,000 raste çdo vit.
Trump u diagnostikua me këtë sëmundje në korrik të vitit 2025, pasi vuri re një ënjtje të lehtë në dorën e tij, njoftoi Shtëpia e Bardhë.
Top Channel
