Polemikat që kanë shpërthyer në Londër mund të gëzojnë Torinon. Në ditët e ofensivës së Juventusit për
Jean-Philippe Mateta, sulmuesin e fuqishëm të Crystal Palace, trajneri i klubit anglez, Oliver Glasner deklaroi publikisht që në fund të sezonit, pavarësisht ofertës së rinovimit, ai do të largohet nga klubi ku u transferua në 2024 dhe që e drejtoi të kualifikohet për në zonën evropiane.
E kam informuar klubin se doja një sfidë të re-shpjegoi trajneri, por nga fjalët e tij është e lehtë të kuptohet se pas këtij vendimi janë raportet e kompromentuara me drejtuesit e Crystal Palace që kanë ardhur më shumë për shkak të disa zgjedhjeve në merkato të klubit londinez që nuk janë miratuar nga Glasner
Zgjedhja më e fundit është largimi drejt Manchester City i kapitenit Marc Guehi, në një operacion prej rreth 25 milionë eurosh dhe që pritet të mbyllet përfundimisht në ditët në vijim. ‘Kam ndjesinë që po na braktisin plotësisht-deklaroi Glasner para ndeshjes me Sunderlend që skuadra e tij e humbi 2-1-por gjëja më e keqe është që shitën kapitenin tonë një ditë para ndeshjes. Deri tani nuk kam folur, por në këtë sezon na thyen 2 herë zemrën dhe në të dy rastet ka qenë gjithnjë thuajse përpara një ndeshjeje; në fillim me Eze tani me Guehi. Crystal Palace është i aftë të mbyllë sezonin në këtë mënyrë, me Oliver Glasner, me një trajner tjeter nuk e di…Por nuk më intereson’.
Por manovrat në shitje në merkato nuk duket se do të mbyllen këtu pasi largimi i radhës duket se do të jetë Mateta në drejtim të Juventusit, me Zonjën e Vjetër që e ka bërë ofertën e parë.
‘Zërat për largimin e Matetas? Do të ketë një çmim, Crystal Palace do të thotë; ‘pas 18 muajsh mbyllet kontrata e tij, ta mbyllim operacionin’-vijoi Glasner-nëse ai do të dojë dhe nëse askush nuk do të paguajë këtë çmim, atëherë ai do të qëndrojë’.
Top Channel
