Takimi me drejtuesit pritet të zgjidhë çështjen e komisioneve
Së pari, një bisedë ekipore e ndjekur nga një performancë monstruoze me të paktën katër pritje kyçe që realizuan “mrekullinë”. Mike Maignan, së bashku me bashkatdhetarin e tij Rabiot, ishte lojtari kyç në firtoren me përmbysje të Milanit përballë Comos.
Mike ishte përsëri një “Magic”, një lider brenda dhe jashtë fushës: “Djema, sonte do të shkojmë deri në fund. Çfarëdo që të ndodhë, gjithmonë do të ecim përpara… Deri në fund, derisa gjyqtari të fryjë bilbilin e tij”, iu drejtua ai shokëve të tij të ekipit në një rreth disa minuta para fillimit të ndeshjes në stadiumin Sinigaglia. Një rinovim është shumë afër: Maignan, i ngacmuar pas ndeshjes, nuk e përmend. Rabiot e bën këtë për të: “Ai dëshiron të qëndrojë!” Është arritur një marrëveshje me Kuqeznjtë për një kontratë deri në vitin 2029 (me një opsion për vitin 2030) dhe një pagë të dyfishuar. Maignan do të kalonte nga 2.8 milionë euro e tij aktuale në një bazë fikse prej 5.5 milionë eurosh, të cilat me bonuse do të arrinin në 7 milionë euro për sezon.
Për ta mbyllur çështjen, çështjet që lidhen me komisionet e agjentëve që shfrytëzojnë datën aktuale të skadimit të kontratës së Maignan, më 30 qershor 2026, ende duhet të zgjidhen. Sipas Gazzetta dello Sport, agjenti i tij Jonathan Kebe është në Milano për t’u takuar me drejtuesit e Milanit për të arritur një marrëveshje përfundimtare.
Top Channel
