Fizikisht i fortë, godet me dy këmbë dhe ka shënuar katër gola në Ligue, përfshirë një kundërsulm i vetëm kundër Marsejës, ai është tashmë një lojtar me vlerë 25-30 milionë euro për skuadrën e tij aktuale Angers.
Thashethemet për transferime janë tashmë të përhapura dhe trajneri i tij ka lënë të kuptohet se një transferim do të jetë i afërt…Marseille-Angers, në fund të tetorit, ishte një shembull i mirë për futbollin francez. Për De Zerbi, një dopietë nga Robinio Vaz, një lojtar i vitit 2007 i cili vetëm po shikonte vitin e kaluar dhe tani hyn, luan dhe është vendimtar. Për Angers, një lojtarë që meriton një vëzhgim të afërt. Ai është një lojtarë që ende pa hyrë në fushë analizon gjithçka, më pas kur futet ai kalon këdo që i del përpara, mban topin mjaft mirë dhe shkon për të shënuar. Bota e futbollit të nivelit të lartë, e cila e kishte njohur atë për një kohë të gjatë, e rriti vëmendjen atë ditë, veçanërisht sepse Chérif ishte në golin e tij të tretë radhazi. Trembëdhjetë ditë para Krishtlindjeve, ai shënoi të katërtin e tij. Është interesante se këto nuk janë gola të zakonshëm. Sidiki, kundër Monacos, e mbrojti topin dhe u kthye të godiste portën me këmbën e majtë, si kishte vepruar edhe në shumë momente të tjera. Italia e ka vënë re këtë gjë në kohët e fundit edhe pse Milani e ka nën vëmendje prej shumë kohësh dhe asnjëherë nuk e ka fshehur adminirimin e tij për këtë lojtarë. Gjithësesi nuk do të jetë aspak e lehtë për ta marrë këtë lojtarë.
Chérif është një sulmues fizik, një qendërsulmues 1.88 m i gjatë dhe 77 kg me hapësirë të madhe për rritje. Le të jemi të qartë: ai mund të bëhet më i fortë dhe më i madh. Ai ka lindur në Guine në dhjetor 2006 dhe sapo mbushi 19 vjeç, ndërkohë që ka jetuar gjithmonë në Francë që kur ishte pesë vjeç. Natyra ka qenë bujare me atë fizik, dhe rritja në Angers është një tjetër avantazh. Është një klub i vogël, që lufton për të mbijetuar dhe lulëzon me shkëmbimin e lojtarëve. U jep lojtarëve të rinj një shans dhe i shet ata. E thjeshtë (pak a shumë). Chérif është eksperimenti më i suksesshëm i vitit, ai gjuan me këmbën e djathtë dhe të majtë, shkon në kundërsulm dhe e mbron topin.
Sa kushton: Tani është koha për të diskutuar tregun e transferimeve. Dy çështje: çmimi dhe konkurrenca. Angers e ka bërë të qartë se nuk bëhet fjalë për asgjë më pak se 25-30 milionë euro, dhe sipas burimeve franceze, qëllimi është të thyhet rekordi i Jeff Reine-Adelaide, i shitur te Lyon në vitin 2021 për 25 milionë euro. Trajneri Alexandre Dujeux e tha qartë: “A do të jetë klubi në gjendje të refuzojë një ofertë pothuajse të barabartë me buxhetin e tyre vjetor? Kjo është një pyetje e madhe. Sigurisht, ka shqetësime për largime të mundshme, por kështu është, ne jemi pjesë e një sistemi ekonomik që, për një klub si i yni, mbështetet shumë në shitjet e lojtarëve. Do të shohim se çfarë ndodh.”
Kush dëshiron cherif? Parashikimet tregojnë për qershor ose janar, nëse merret një ofertë e parefuzueshme. Angers është i dhjeti në kampionat, 10 pikë larg zonës së rënies nga kategoria, një diferencë që justifikon diskutimet në dimër. Klube të interesuara? Disa. Në javët e fundit, ka pasur thashetheme për FC Paris, Villarreal, Gladbach, Eintracht, Hamburg, Crystal Palace, Stuttgart dhe, sigurisht, Milani. Përvoja dikton: kalibri i klubeve në listë do të rritet së shpejti. Milani rrezikon të përfshihet për të rritur interesin për lojtarin, por kjo është pjesë e lojës; ata nuk do të shqetësohen. Më e rëndësishmja: së shpejti, ata do të duhet të vendosin nëse do të bëjnë një investim të rëndësishëm për të ecur përpara dhe për të marrë një rrezik prej 25-30 milionë eurosh. Thënë kështu, duket pothuajse e thjeshtë…
Top Channel
