Ka një spektator të veçantë në këtë Kupë të Kombeve të Afrikës 2025: Kylian Mbappé.
Ylli i Realit të Madridit shfrytëzoi pushimin e ligës (që filluan të shtunën, më 20 dhjetor dhe do të rifillojë të dielën, më 4 janar) për të fluturuar për në Marok dhe për të ndjekur disa ndeshje të garës, e cila aktualisht po luhet në kontinentin afrikan.
Numri 10 francez ishte në tribunat e stadiumit Rabat i veshur me fanellën e ish-shokut të tij të skuadrës, Hakimi, për të ndjekur drejtpërdrejt ndeshjen e javës së dytë midis Marokut dhe Malit dhe shte gjithashtu i pranishëm në Marrakesh për të shijuar nga afër një klasike të futbollit afrikan, Bregun e Fildishtë kundër Kamerunit.
Vetë Hakimi foli për praninë e Mbappé-s, duke thënë në një konferencë për shtyp: “Është kënaqësi të shoh mikun tim Mbappé në vendin tim. Ai e do Marokun dhe gjithmonë vjen me familjen e tij kur mundet për të shijuar vendin dhe gastronominë e tij. Isha i kënaqur që ai erdhi të shihte lojën tonë dhe që i pëlqeu ekipi ynë. Ai më tha se jemi një nga kandidatët për titullin, megjithëse më tha gjithashtu se duhet të përmirësohemi. Por ne ishim të lumtur, edhe ai ishte gjithashtu, dhe siç thashë, jam i kënaqur që ai është këtu me ne.”
Top Channel
