“Në Kuvend s’mund të jesh njeri normal”, Erion Braçe: Më vjen keq kur Grida Dumës i ktheheshin në Parlament, me Joridën përplasje çdo herë, e pak raste në një mendje 08/12 00:12
Kate Winslet, aktorja britanike 50-vjeçare që ka arritur majat e suksesit me filma si “Titanic” dhe “The Reader”, po kalon një periudhë të ngarkuar, duke reflektuar mbi karrierën e jetën e saj personale.
Winslet ka nisur karrierën e saj të aktores që në adoleshencë dhe është bërë një figurë qendrore në kinemanë ndërkombëtare.
E njohur për rolin e saj të paharrueshëm si Rose në “Titanic”, ajo ka vazhduar të shënojë sukses me performancën e saj në The Reader, që i siguroi një Oscar, dhe në Mare of Easttown, një rol që shumë e quajnë si një nga më të mirët e saj.
Pavarësisht karrierës së saj të suksesshme dhe famës ndërkombëtare, ka pasur edhe përballje të vështira me mediat dhe presionin e vazhdueshëm të shoqërisë.
Një nga periudhat më të vështira për Winslet ka qenë pas Titanic, kur media dhe publiku e fokusuan shumë vëmendjen tek pamja e saj fizike.
“Ka pasur shumë kritika për trupin tim. Nuk isha gati për të qenë një aktore e famshme. Ishte shumë e vështirë për mua, aq më tepër që isha shumë e re,” thotë ajo, duke shtuar se ka qenë e dëmtuar nga komentet që e turpëronin.
Ajo e kujton se si njerëzit e ndiqnin gjithkund dhe nuk mund të kalonte dot një ditë normale pa u vënë re.
Kjo përvojë ka nxitur Winslet të bëjë një fushatë për të promovuar pranimin e pamjes natyrale të trupit, duke u angazhuar që gratë të ndihen të lumtura me veten ashtu si janë, larg nga presionet e ideve të pamjaftueshme të përsosmërisë që shpesh promovohen nga mediat dhe rrjetet sociale.
Winslet është kritike ndaj trendeve të sotme të bukurisë që përfshijnë ndërhyrje estetike dhe përdorimin e substancave për të përmirësuar pamjen fizike.
Ajo thotë se është shkatërruese për vetëvlerësimin kur gratë ndihen të detyruara të bëjnë operacione dhe trajtime që ndryshojnë pamjen e tyre.
“Njerëzit janë të fiksuar pas përsosmërisë dhe kërkojnë të duken të gjithë njësoj. Disa po bëjnë zgjedhje për të qenë vetvetja, por të tjerë bëjnë gjithçka që munden për të ndryshuar veten e tyre,” thotë ajo.
Aktorja theksoi se disa nga gratë më të bukura që ajo njeh janë mbi 70 vjeç dhe e vlerëson bukurinë natyrore që vjen me moshën dhe përvojën.
Top Channel
