Flamurtari regjistroi një fitore me shumë peshë në Kategorinë Superiore. Skuadra vlonjate befasoi skuadrën kampione Egnatian duke e mundur me rezultatin 1-0 duke u ngjitur në kuotën e 13 pikëve pas 14 javëve kampionat.
Ishte një ndeshje ku skuadra rrogozhinase ishte pa trajnerin Edlir Tetova që nuk ishte në pankinë për arsye shëndetësore.Vendimtar për skuadrën e Flamurtarit rezultoi Ramirez që shënoi golin e avantazhit 1-0 të skuadrës vlonjate në minutën e 36 të pjesën e parë.
Në 45 minutat e dyta, Egnatia tentoi të reagojë, por në fund të 90 minutëshit rezultati ishte ai i pjesës së parë, 1-0 për Flamurtarin që me këtë fitore në transfertë që është e para për të në këtë sezon, e sheh veten t’i bashkangjitet Bylisit në vendin e 8 në klasifikim që të con në playout.
REZULTATI
Egnatia-Flamurtari 0-1(Ramirez ’36)
Top Channel
