Botërori i Formula 1 u rihap totalisht në katar. Në Lusail, Max Verstappen fitoi garën falë një strategjie kryevepër të skuadrës së tij, por edhe i ndihmuar nga gafa e vetë McLaren tani është në vendin e dytë me 396 pikë, vetëm 12 pikë më pak se Norris, ndërsa Piastri është në vendin e tretë me 392.
Javën e ardhshme është gara e fundit, ajo e Abu Dhabi dhe aty do të jepet edhe verdikti se cili nga 3 pilotët do të fitojë titullin dhe të mendosh që secili prej tyre ka nga 3 fitore secili. Në këtë pikë nis bërja e llogarive për secilin prej pilotëve dhe kombinacionet për titullin për pilotë.
NORRIS ËSHTË KAMPION NËSE:
E përfundon garën në podium, pavarësisht xhiros së shpejtë
E mbyll garën i 4 ose i 5 dhe Verstappen nuk fiton
E mbyll garën i 6 dhe as Verstappen e as Piastri nuk fitojnë
E mbyll garën i 7 apo i 8 dhe Verstappen nuk bën më mirë se vendi i tretë e Piastri nuk bën më mirë se vendi i dytë
E mbyll garën i 9 apo i 10 dhe Verstappen nuk bën më mirë se vendi i 4 e Piastri nuk bën më mirë se vendi i 3.
Nuk hyn në zonën e pikëve dhe nëse verstappen nuk ka një pozicion më të mirë se vendi i pestë dhe Piastri më të mirë se vendi i tretë.
VERSTAPPEN ËSHTË KAMPION NËSE:
Fiton garën dhe Norris renditet i katërti ose më poshtë.
Renditet i dyti dhe Norris nuk bën më mirë se vendi i 7 dhe Piastri renditet pas tij.
Renditet i treti me Norris që nuk bën më mirë se vendi i 9 dhe Piastri nuk fiton.
Renditet i katërti me Piastrin në maksimum në vendin e tretë dhe Norris jashtë zonës së pikëve.
PIASTRI ËSHTË KAMPION NËSE
Fiton garën dhe Norris nuk bën më mirë se vendi i 6.
Renditet i dyti me Norris që nuk bën më mirë se vendi i 9 dhe Verstappen nuk bën më mirë se vendi i 7.
Top Channel
