Max Verstappen triumfoi në Çmimin e Madh të katarit dhe hyn plotësisht në garë për të fituar titullin e pestë radhazi kampion.
Piloti holandez që vetëm para pak kohësh shprehej se do të duhet një mrekulli për të arritur triumfin, pas garës në Losail po beson vërtet duke qenë se diferenca me Lando Norris kryesues është vetëm 12 pikë kur ka mbetur vetëm gara e Abu Dhabi për t’u zhvilluar
‘Një ditë e pabesueshme, morëm vendimin për të hyrë menjëherë në bokse që rezultoi vendimi i duhur dhe fitues-tha Verstappen-e pabesueshme vërtet, nuk di si ta përkufizoj ndryshe. Zhvilluam një garë fantastike në një fundjavë të vështirë për ne, është një fitore shumë e rëndësishme. E dija që kishim një avantazh, por duhet të ruaja gomat në një pistë të konsumit të lartë, por ia dolëm mbanë. Tani, po që gjithçka është e mundur. Nuk do ta mendoj shumë, gara e Abu Dhabit është afër
Ndryshe ndodh te McLaren, me Oscar Piastrin dhe Lando Norris që nuk e fshehën zhgënjimin e tyre
‘Bëra garën më të mirë që munda, por sot gabuam në diçka-tha Piastri-menaxhuam keq situatën. Jam akoma në garë për titullin dhe jam i kënaqur për fundjavën time, por…është e vështirë për ta kapërdirë tani’.
Edhe Lando Norris deklaroi se ky rezultat është i vështirë për t’u kapërdirë
‘Është e vështirë ta kapërdijmë, kishim besim te vendimet e skuadrës, morëm një vendim tepër të guximshëm që në fakt iu takonte kundërshtarëve tanë ta merrnin.-tha Norris-Nuk bëmë një punë të mirë sot, por këtë vit kemi punuar mirë në raste të tjera duke fituar titullin për konstruktorë shumë herët. Kjo është jeta. Duhet të analizojmë gjërat dhe të kuptojmë cfarë duhet bërë më mirë edhe pse në realitet e di shumë mirë se cfarë ka ndodhur. Le të themi që jo gjithnjë gjërat shkojnë mirë’.
Top Channel
