Max Verstappen ka mbajtur gjallë shpresat për titullin e pestë radhazi në Formula 1, pasi fitoi Çmimin e Madh të Katarit dhe ngushtoi diferencën në kreun e renditjes. Piloti holandez i Red Bull arriti të triumfonte përpara dyshes së McLaren, të cilët zgjodhën të mos ndalonin në periudhën e makinës së sigurisë.
Oscar Piastri, i nisur nga pole, u rendit i dyti, ndërsa Carlos Sainz bëri një paraqitje të shkëlqyer duke kaluar nga vendi i shtatë në start, në podiumin e garës.
Lando Norris siguroi vendin e katërt pas një dueli të vonshëm me Kimi Antonellin, duke marrë dy pikë të rëndësishme për garën e kampionatit. Antonelli e mbylli garën i pesti, George Russell i gjashti, ndërsa Fernando Alonso përfitoi një pozicion për të përfunduar i shtati.
Charles Leclerc avancoi po ashtu dhe u rendit i teti, Liam Lawson sjell pikë për Racing Bulls me vendin e nëntë, ndërsa Yuki Tsunoda mbylli zonën e pikëve në vendin e dhjetë.
Fitorja e sotme, e shtata për Verstappen këtë sezon, e ngjit atë në vendin e dytë të renditjes së përgjithshme, vetëm 12 pikë prapa liderit Lando Norris. Oscar Piastri qëndron shumë pranë të dyve, me 16 pikë diferencë nga shoku i tij i skuadrës.
Me vetëm një garë të mbetur – finalen dramatike në Abu Dhabi – gara për titull është më e hapur se kurrë:
Renditja e kampionatit para garës së fundit:
Lando Norris – 408 pikë
Max Verstappen – 396 pikë
Oscar Piastri – 392 pikë
Top Channel
