Sezoni i Ferrarit preku një prej pikave më të ulëta në vitet e fundit me një paraqitje katastrofike në Garën Sprint në Cmimin e Madh të Katarit. Pavarësisht këshillës së presidentit Elkann për të folur më pak për të menduar më shumë për drejtimin e makinës, problemet e makinës SF 25 e kanë bërë të pamundur për pilotët që të fshehij frustrimin e tyre në komunikimet e tyre në radio me skuadrën.
Bilanci është për të vënë duart në kokë, Leclerc u nis nga vendi i nëntë e mbylli garën i 13 pas një starti shokues, ndërsa Hamiltin u nis nga pit lane për ta përfunduar garën i 17
Leclerc: Çfarë dreqin po ndodh? Mendova se po shkatërroja makinën
Telashet e Leclerc nisën menjëherë. Pak caste nga starti i garës, piloti nga Monaco hapi radion dhe me tone të ashpra iu drejtua inxhinierit të tij Bryan Bozzi: ‘Cfarë po ndodh me pjesën e pasme?’. Përgjigjja nga bokset konfirmuan problemin me drejtimin, por pa gjetur një arsye specifike dhe kjo rriti frustrimin e Leclerc. Këshillës për të menaxhuar kthesën 12 më butë, Leclerc iu përgjigj: ‘Kjo është e vetmja mënyrë për të pasur DRS, jemi të ngadaltë’
Pas përfundimit të garës Sprint, analiza e Leclerc ishte dramatike: ‘Në xhiron e parë pata ndjesinë se do të shkatërroja makinën-ishte deklarata e pilotit
Hamilton dhe misteri i pjesës së pasme
‘Si ia bëmë që u përkeqësuam’-ishte opinioni I Hamilton, i njëjtë me atë të shokut të skuadrës, në mos akoma më negativ. 7 herë kampioni i botës u ankua që në kilometrat e para për defektin structural me inxhinierin e tij Riccardo Adami: ‘Nuk kam pjesë të pasme dhe frenat po bllokohen’
Përgjigjja nga bokset-‘Kuptova, edhe Charles ka të njëjtat probleme’-një frazë që certifikoi problemin sistematik të makinës. Hamilton e ka përkufizuar makinën vërtet të pastabilizuar. Dhe shfryrja e tij përmbledh fundjavën e Ferrarit: ‘Nuk di si ia bëmë që e përkeqësuam makinën’-është kjo një frazë që tingëllon si alarm i kuq ndoshta edhe për fundin e sezonit.
Top Channel
