Ronaldo në Shtëpinë e Bardhë, Trump i jep ‘Çelësin e Artë’, i pari sportist që i akordohet 21/11 19:38
Dueli i përjetshëm në LaLiga ende është një debat që jehon në të dyja kampet.
Portieri i Realit të Madridit, Thibaut Courtois, ka zbuluar se si u pritën në dhomën e zhveshjes së “Royal Whites” (Realit) sulmet e talentit të Barcelonës, Lamine Yamal, para ndeshjes “El Clásico”. Fjalët e adoleshentit “ndezën zjarr”. Sezonin e kaluar, Reali i Madridit i humbi të katër ndeshjet kundër rivalëve të tyre të përbetuar, një fushatë pa trofe në të cilën Barcelona arriti të fitonte edhe tripletën vendase. Ekipi i Xabi Alonsos ishte edhe për këtë arsye, më i vendosur para ndeshjes së tetorit në Bernabéu. Yamal më parë kishte bërë shaka publikisht: “Ata marrin trajtim preferencial, vjedhin pike, dhe pastaj ankohen”.
Pas fërshëllimës përfundimtare të arbitrit, ylli i ri i katalanasve u bë shënjestra e lojtarëve të Realit të Madridit. Kapiteni Dani Carvajal u përball me të dhe edhe Courtois nxitoi të thoshte disa fjalë.
Courtois për Yamal: “Ai e ndezi zjarrin”
Duke folur për Cope, portieri shpjegoi: “Lamine Yamal foli në një mënyrë të caktuar dhe i nxehu pak gjërat, dhe sigurisht që shtypi e përcolli këtë histori. E pashë duke folur me Carvajal, dhe sigurisht, nëse dikush na thotë diçka, edhe unë kam të drejtë të them diçka. Por ishim plot adrenalinë, dhe ndonjëherë thua gjëra që nuk ishin të nevojshme, kur e mendon më vonë.” Mesfushori Aurélien Tchouaméni kishte thënë gjithashtu më parë se skuadra mori motivim shtesë nga fjalët e Yamal.
Courtois vazhdoi: “Kështu është Clásico. Ndonjëherë na duhet ajo atmosferë. Sezonin e kaluar humbëm katër herë dhe kjo ndezi një zjarr, por tani ndihemi më mirë. Barcelona është rivali ynë dhe ne duhet t’u bëjmë ballë. Kur fituan, as ata nuk na respektuan.” Që nga El Clásico, Reali i Madridit ka marrë katër pikë nga dy ndeshje. Edhe pse barazuan 0-0 kundër Rayo Vallecanos para pushimit ndërkombëtar, Los Blancos ende kryesojnë klasifikimin me tre pikë më shumë se Barça.
Top Channel
