Sulmet izraelite në Gaza, shkon në 33 numri i viktimave brenda 12 orësh 20/11 23:02
Një libër i titulluar “Dianarama: Tradhtia e Princeshës Diana”, i publikuar sot dhe i shkruar nga Andy Webb, një ish-gazetar i BBC-së, pretendon se Princesha Diana u mashtrua që të jepte intervistën e famshme të vitit 1995 për rrjetin britanik, i cili – megjithëse e dinte këtë – e fshehu për 20 vjet.
Konkretisht, një hetim i pavarur i porositur nga BBC konfirmoi në vitin 2021 se dokumente të falsifikuara i ishin paraqitur vëllait të princeshës, Charles Spencer, me qëllim që ta bindnin atë të ndërmjetësonte për intervistën. Ajo u konsiderua një sukses i madh për rrjetin dhe gazetarin Martin Bashir në atë kohë.
'Did we listen well enough when we heard Prince William say that?'
Author of Dianarama Andy Webb, explains why he wrote the book and questions whether the infamous Panorama interview changed the course of Princess Diana's life. pic.twitter.com/Je0QYf2k2i
— GB News (@GBNEWS) November 20, 2025
Webb pretendon se BBC, tashmë në qendër të kritikave për shkak të një rasti tjetër të redaktimit mashtrues të një fjalimi të Donald Trump, ishte në dijeni se intervista ishte siguruar përmes gënjeshtrave, duke zbuluar “shkallën e mashtrimit ndaj princeshës dhe mbulimin që pasoi”.
Në librin e tij, Andy Webb pohon se njerëzit brenda BBC-së e dinin, katër muaj pas intervistës, se Bashir kishte falsifikuar dokumente, ia kishte paraqitur ato Charles Spencer dhe kishte gënjyer për rrethanat. Megjithatë, ata nuk e informuan Dianën dhe çështja mbeti “në errësirë” për më shumë se 20 vjet.
“Ajo kishte frikë për jetën e saj.”
Sipas Webb, këto dokumente të falsifikuara e bënë princeshën të besonte se anëtarë të stafit të saj po e spiunonin dhe se po punonin për shërbimet sekrete, gjë që e bëri atë të druhej për jetën e saj.
Ai thotë gjithashtu se vëllai i Dianës sheh një lidhje mes sjelljes së princeshës pas intervistës dhe vdekjes së saj në Paris dy vjet më vonë, në një aksident automobilistik.
Pas asaj interviste, “Diana u distancua nga ata përreth saj, veçanërisht nga sekretarja e saj personale,” tha Andy Webb në një intervistë për ITV. “Ajo nuk kishte më besim te policia dhe e gjeti veten 18 muaj më vonë në një Mercedes me një shofer të dehur.”
Top Channel
