Mantova ka bërë ndryshime të rëndësishme në strukturën e saj sportive, pas shkarkimit të drejtuesëve të deritanishëm, presidenca ka emëruar Leandro Rinaudon si drejtor sportiv të ri.
Ai do të ketë Erjon Bogdanin si bashkëpunëtor të tij. Ish-sulmuesi i Kombëtares Shqiptare, i lindur në 1977, ka një karrierë të pasur në Itali, ku ka luajtur për skuadra si Siena, Chievo, Livorno dhe Cesena në Serinë A.
Për Bogdanin, ky është një kapitull i ri në futbollin italian, tani në rolin e drejtuesit sportiv pas përvojës së gjatë në fushë si lojtar dhe eksperiencës së fituar në trajnim dhe analiza të lojës. Emërimi i Bogdanit dhe Rinaudos sinjalizon një rikonstruksion të rëndësishëm të strukturës sportive të Mantovës, me synimin për të sjellë përvojë, vizion dhe profesionalizëm në klubin bardhekuq.
Top Channel
