Djali i Sir Alex Ferguson, Darren, është shkarkuar nga Peterborough United, duke u larguar nga klubi për herë të katërt, pas disfatës së tyre të fundit.
Ferguson Jr. ka qenë në krye të Posh në katër raste të ndryshme, duke mbërritur për herë të parë në vitin 2007 dhe duke u larguar të shtunën për herë të katërt pas një ndeshjeje në fund të tabelës.
Peterborough, të cilin Ferguson e ka çuar në katër ngjitje në kategori gjatë qëndrimeve të tij të ndryshme, është në fund të tabelës së League One dhe humbi 2-1 në shtëpi ndaj Blackpool të shtunën pasdite.
“Kam marrë vendimin për të ndërprerë kontratën e Darren Ferguson pas ndeshjes së sotme”, tha kryetari Darragh MacAnthony në një deklaratë. “Vendimi nuk u mor lehtë, por është një vendim që mendoj se është i duhuri për klubin e futbollit.”
“Për mua, Darren, është trajneri më i madh në historinë e klubit, të cilin do ta konsideroj gjithmonë pjesë të familjes sime dhe të familjes së klubit. Ka shumë momente të mrekullueshme për t’u përmendur këtu, por ato momente të shumta historike do t’i çmoj dhe do t’i kujtoj përgjithmonë.”
Kjo do të thotë që trajneri legjendar i Manchester United Sir Alex, do të duhet të gjejë një hobi të ri, pasi është parë rregullisht duke parë ekipin e të birit në aksion në më shumë se një rast.
Top Channel
