Ministri i Drejtësisë Besfort Lamallari u tregua i ashpër me opozitën sot në seancën plenare, gjatë debateve për vrasjen e gjyqtarit, ndodhur tre ditë më parë në Gjykatën e Apelit.
Në përgjigje të deklaratave të deputetëve të opozitës, Lamallari tha se po bëhej politikë me vrasjen e gjyqtarit. Ai iu drejtua opozitës se “kanë përgjegjësi për gjuhën denigruese ndaj drejtësisë”.
“Të bësh politikë me vrasjen dhe me një rast tragjik. Keni përgjegjësi për gjuhen e urrejtjes që keni përdorur. Keni anatemuar partnerë strategjik, ambasadorin e SHBA vetëm e vetëm se mbështetën reformën në drejtësi. Ju keni gojë të flisni.
Nuk keni turp, shqiptarët e dinë prandaj ju kanë votuar e ju kanë lënë aty. Mos ngjallni gjuhën e urrejtjes, turp t’ju vijë dhe kini kujdes kur bëni kapital me gjyqtar e prokuror”-u shpreh ministri Besfort Lamallari.
Top Channel
