“Autori, përbindësh i ftohtë dhe i radikalizuar”, Donald Trump flet në ceremoninë e Charlie Kirk: U vra se tha të vërtetën që kishte në zemër 22/09 00:45
Presidenti Donald Trump dhe drejtori ekzekutiv i Tesla-s, Elon Musk, u ribashkuan gjatë ceremonisë përkujtimore për aktivistin konservator dhe themeluesin e Turning Point USA, Charlie Kirk, disa muaj pas prishjes së tyre publike.
Trump dhe Musk u panë gjatë shërbesës të ulur së bashku në një suitë private duke biseduar. Një llogari zyrtare e Shtëpisë së Bardhë në rrjetet sociale publikoi pamje të shkëmbimit të tyre. Në një moment, Trump duket se ia prezantoi Musk-un Dana White-it, drejtorit ekzekutiv të Ultimate Fighting Championship (UFC).
Kjo shënoi herën e parë që dy burrat shfaqeshin së bashku në publik që prej dorëheqjes së Musk-ut nga roli i tij si punonjës i veçantë i qeverisë, në rrethana të tensionuara.
Musk dha dorëheqjen si drejtues i Departamentit të Efiçiencës së Qeverisë (DOGE) në fund të majit dhe, në largim, kritikoi ashpër projektligjin kryesor të politikave të Shtëpisë së Bardhë, duke theksuar se ai shtonte borxhin kombëtar.
Pas një tirade të gjatë të Musk-ut në rrjetet sociale kundër Trump-it, presidenti kërcënoi se do të anulonte kontratat federale me kompanitë e tij.
Top Channel
