Tramavaji elektrik del nga shinat në Lisbonë, 15 të vdekur dhe dhjetëra të plagosur 03/09 22:26
Një ngjarje e rëndë ka tronditur Xhenovën natën mes të dielës dhe të hënës, ku Evelinndel Moori Chamorro, një grua 30-vjeçare nga Peruja, humbi jetën pasi ra nga kati i gjashtë i banesës ku jetonte me partnerin e saj.
Hetuesit e Skuadrës Fluturuese, nën drejtimin e prokurorit Giuseppe Longo, po shqyrtojnë hipotezën se viktima mund të jetë rrahur brutalisht dhe më pas hedhur nga ballkoni.
Rezultatet paraprake të autopsisë kanë zbuluar dëmtime më të shumta se ato që u konstatuan fillimisht në vendngjarje. Përveç një këmbe dhe një brinje të thyer, janë gjetur fraktura të tjera që rrisin dyshimet mbi natyrën e vdekjes së 30-vjeçares.
Partneri i saj, një italian 32-vjeçar, është vënë nën hetim për vrasje të paqëllimshme. Ky hap procedurial është marrë për të mundësuar përfundimin e hetimeve dhe për të emëruar një ekspert mjeko-ligjor.
Ndërkohë, policia po merr në pyetje dëshmitarë dhe të afërm të çiftit për të rindërtuar me saktësi dinamikën e ngjarjes tragjike.
Top Channel
