Sulmet izraelite në Gaza/ Të paktën 24 palestinezë të vrarë, përfshirë gra dhe fëmijë. Spitalet drejt kolapsit 28/09 10:14
Shitja e pijeve energjike si Red Bull do të ndalohet për personat nën 16 vjeç në Angli në një përpjekje për të “përmirësuar shëndetin e tyre fizik dhe mendor” dhe për të luftuar obezitetin, njoftoi qeveria të martën.
Rreth një e treta e 13-16 vjeç dhe pothuajse një e katërta e 11-12 vjeç konsumojnë një ose më shumë nga këto pije çdo javë, sipas një studimi të cituar nga Departamenti i Shëndetësisë.
Qeveria thekson “ndikimin shkatërrues” të këtyre pijeve në shëndetin e të rinjve, veçanërisht çrregullimet e gjumit, ankthin e shtuar, përqendrimin dhe performancën e reduktuar në shkollë.
“Si mund të kenë sukses fëmijët në shkollë kur pinë ekuivalentin e një ekspreso të dyfishtë çdo ditë?”, pyet Ministri i Shëndetësisë Wes Streeting në deklaratë.
“Pijet energjike mund të duken të padëmshme, por ato po ndikojnë në gjumin, përqendrimin dhe mirëqenien e fëmijëve të sotëm, ndërsa versionet e tyre të pasura me sheqer po shkaktojnë dëmtime të dhëmbëve dhe po kontribuojnë në obezitet”, shton ai.
Qeveria dëshiron ta bëjë të paligjshme shitjen e pijeve energjike që përmbajnë më shumë se 150 miligramë kafeinë për litër për personat nën moshën 16 vjeç.
Këto pije përfshijnë Red Bull dhe Monster.
Ndalimi do të zbatohet në të gjitha pikat e shitjes, duke përfshirë ato online, në dyqane, restorante, kafene dhe makina shitëse.
Një konsultim 12-javor mbi zbatimin e ndalimit filloi sot, për të mbledhur mendime nga ekspertë të shëndetit, edukatorë, shitës me pakicë etj.
Masa zbatohet në Angli. Irlanda e Veriut, Skocia dhe Uellsi marrin vendimet e tyre për çështjet shëndetësore.
Top Channel
