Giorgia Meloni dhe motra e saj “viktima” të webit që publikon fotot e grave me komente seksiste, kryeministrja italiane: E neveritur, dënim pa asnjë mëshirë 29/08 12:39
Selena Gomez ndodhet në Meksikë këto ditë me miqtë e saj për festën e beqarisë, disa javë para dasmës së saj me Benny Blanco.
Ajo ndau imazhet e para nga pushimet në Cabo San Lucas në rrjetet sociale. Të enjten, më 28 gusht, aktorja dhe këngëtarja postoi foto nga udhëtimi i tyre në Instagram, me të dhe miqtë e saj duke shijuar momente në det dhe në vilën ku po qëndrojnë.
Në fotot e fundit, Gomez duket e veshur ekskluzivisht me rroba të bardha, ndërsa bien në sy edhe imazhet e saj me një vello nusërie të qëndisur me frazën “nusja e ardhshme”, ndërsa në dhomën e saj ishin vendosur tullumbace që shkruanin ” nuse”. Përveç momenteve personale, Selena Gomez publikoi foto me miqtë e saj, në njërën prej të cilave ato pozuan në një varkë.
Shihni postimin e saj.
Gomez dhe Blanco njoftuan fejesën e tyre në dhjetor 2024 pas një viti lidhjeje. Partneri i saj më pas zbuloi se i propozoi martesë me një unazë që aktorja e kishte ndihmuar ta dizajnonte, e frymëzuar nga kënga e saj “Good For You”. “Ajo më tregonte dizajne dhe unë i jepja disa këshilla të vogla”, tha ai në një intervistë me “Interview” në shkurt, duke shtuar, “Unë do të thoja, ‘Po, por nëse do të bëja një, a do ta doje kështu?’ ”
Më 6 gusht, gjatë një paraqitjeje në Therapuss me Jake Shane, Gomez tha se mezi priste të martohej: “Nuk mund të isha më e emocionuar. Nuk jam ndjerë kurrë kaq e sigurt për asgjë.” Siç shpjegoi ai, të dy ishin të zënë me aktivitetet e tyre profesionale, por së shpejti do të merrnin kohë për ” të gjitha detajet” e dasmës.
FOTO GALERI
1/1
Selena Gomez ndodhet në Meksikë këto ditë me miqtë e saj për festën e beqarisë, disa javë para dasmës së saj me Benny Blanco.
Top Channel
