“Më larguan disa zjarrfikës nga ndërtesa shumë afër vendit”, Trump tregon historinë për sulmet e 11 shtatorit: Menduam se ndërtesa do binte mbi ne 08/09 23:02
Skema e ngjyrave
Madhësia e shkrimit
Një takim mes presidentit rus Vladimir Putin dhe presidentit ukrainas Volodymyr Zelensky është tashmë në fazën e planifikimit, konfirmoi zëdhënësja e Shtëpisë së Bardhë, Karoline Leavitt, të martën.
Ajo tha se janë duke u shqyrtuar “shumë opsione” për realizimin e këtij takimi, por refuzoi të japë detaje mbi vendndodhjen e mundshme.
“Të dy liderët kanë shprehur gatishmërinë për t’u ulur përballë njëri-tjetrit, dhe ekipi ynë i sigurisë kombëtare do të ndihmojë të dy vendet në këtë proces,” deklaroi Leavitt gjatë një konference për shtyp në Shtëpinë e Bardhë.
E pyetur nga CNN për ndryshimin e formatit të takimit – nga një takim trilateral në një bilateral – Leavitt tha se kjo ishte një ide që “evoluoi gjatë bisedave të presidentit me Presidentin Putin, Presidentin Zelensky dhe liderët evropianë,” të cilët, sipas saj, “të gjithë e konsiderojnë këtë një hap të rëndësishëm drejt paqes.”
Ajo shtoi se Presidenti Trump, gjithashtu, mbështet idenë e një takimi bilateral pa praninë e SHBA-ve.
“Presidenti ka thënë gjithmonë se ka çështje të rëndësishme në këtë luftë që mund të zgjidhen vetëm përmes bisedimeve të drejtpërdrejta mes këtyre dy vendeve. Ai dëshiron që të dyja palët të angazhohen në diplomaci të drejtpërdrejtë,” përfundoi Leavitt.
Top Channel
