Izraeli vret gazetarin e shquar të Al Jazeera-s dhe katër kolegë të tij në Gaza 11/08 10:15
Në një valë masive solidariteti në më shumë se 100 vende turistike në të gjithë Greqinë, qytetarë, organizata të pavarura dhe shoqata për të drejtat e njeriut kanë bashkuar zërat e protestës në përkrahje të popullit palestinez, duke dënuar gjenocidin e vazhdueshëm nga Izraeli në Rripin e Gazës.
Që nga pasditja, protestuesit e parë u mblodhën jashtë Parlamentit grek në Athinë, ku vendosën foto të fëmijëve nga Palestina që janë vrarë ose plagosur rëndë nga bombardimet dhe konflikti i armatosur.
Ata hedhën parulla kundër qeverisë dhe ushtrisë izraelite si “Liri në Palestinë”, ” Maskarai nuk njeh kufij”, “Ne jemi të gjithë fëmijë të Gazës, jemi të gjithë palestinezë”.
Gjithashtu bënë thirrje për çlirimin e Palestinës dhe një fund të menjëhershëm të gjenocidit.
Edhe në Selanik, qendra e qytetit u bllokua për disa orë nga pjesëmarrja masive në mitingun e protestës të organizuar në këtë qytet.
Dita e solidaritetit në Greqi për Palestinën përkoi me deklaratën e pesë anëtarëve të Bashkimit Evropian në Këshillin e Sigurimit të Kombeve të Bashkuara, Sllovenia, Mbretëria e Bashkuar, Franca Danimarka dhe Greqia, me të cilën kanë dënuar vendimin e Izraelit për të zgjeruar operacionet ushtarake në Gaza duke i bërë thirrje ta anulojë vendimin.
Deklarata thekson se vendimi i qeverisë izraelite mund të shkelë potencialisht ligjin ndërkombëtar, si dhe të rrezikojë jetën e pengjeve dhe civilëve të mbetur.
Top Channel
