Macron: Kievi duhet të përfshihet në bisedimet për fundin e luftës 10/08 08:39
Një bandë grabitësish profesionistë ka hyrë gjatë natës në vilën e showman-it të njohur italian, Rosario Fiorello, në lagjen via della Camilluccia, në Romë.
Sipas të përditshmes italiane Il Messaggero, autorët arritën të çaktivizojnë sistemin e alarmit dhe të hyjnë nga një derë dritare, duke grabitur një shumë të konsiderueshme me bizhuteri dhe sende me vlerë.
Nga vlerësimet paraprake, dëmi i shkaktuar kap vlerën e mbi 300 mijë eurove. Midis sendeve të vjedhura përmenden ar, gjerdanë luksoze, gurë të çmuar dhe disa orë të shtrenjta. Të dhënat e para sugjerojnë se grabitësit kanë vepruar me përpikëri, duke njohur mirë ambientin dhe duke shmangur çdo gjurmë.
Policia dhe Njësia e Shkencës Kriminale kanë nisur hetimet, por deri më tani nuk ka asnjë gjurmë të vlefshme që mund të çojë në identifikimin e autorëve. Mendohet se banda ka përdorur doreza latex për të shmangur lënien e gjurmëve të gishtërinjve.
Në momentin e grabitjes, familja e Rosario Fiorellos ndodhej jashtë qytetit, ndërsa ishte shërbyesja ajo që zbuloi gjithçka dhe njoftoi policinë, pasi kishte çelësat e banesës.
Autoritetet vazhdojnë hetimet për zbardhjen e ngjarjes, ndërsa ngjarja ka shkaktuar bujë në median italiane për shkak të profilit të lartë të viktimës.
Top Channel
