Putin nis vizitën “e paprecedentë” në Kinë! Lufta në Ukrainë në qendër të bisedimeve me Xi Jinping 30/08 08:28
Thaddeus Daniel Pierce lindi më 26 korrik në Ohio, nga një embrion që ishte ngrirë në maj të vitit 1994 – duke e bërë atë një nga embrionet më të vjetër të ngrirë që kanë çuar ndonjëherë në një lindje të suksesshme, sipas MIT Technology Review.
Një foshnjë 30-vjeçare, e sapolindur
Lindsay (34 vjeç) dhe Tim Pierce (35 vjeç) nga Ohio, vendosën të adoptonin një embrion përmes fertilizimit in vitro (IVF). Embrioni që iu ofrua ishte krijuar plot tre dekada më parë.
“Kishim një lindje të vështirë, por të dy jemi mirë tani,” tha Lindsay Pierce. “Ai është kaq i qetë. Nuk mund ta besojmë që po e mbajmë këtë foshnjë të çmuar në krahët tanë.”
Thaddeus lindi më 26 korrik, por embrioni i tij kishte qenë i ngrirë që prej vitit 1994.
Çifti shprehet se nuk e kishin imagjinuar asnjëherë që një procedurë e tillë ishte e mundur.
“Na dukej çmenduri,” tha Lindsay. “As nuk e dinim që ngrinin embrione kaq kohë më parë.”
Ajo shtoi: “Nuk po përpiqeshim të thyenim ndonjë rekord – thjesht donim të kishim një fëmijë.”
Familja Pierce udhëtoi nga shtëpia e tyre në Ohio për në Tennessee, ku iu nënshtruan transferimit të embrionit përmes klinikës së fertilizimit Rejoice.
Gruaja që ngriu embrionin – dhe historia e saj
Lydia Archard, sot 62 vjeçe, kishte ngrirë katër embrione me ish-bashkëshortin në fillim të viteve 1990, pas përpjekjeve të shumta për të pasur një fëmijë.
Një nga embrionet u transferua në vitin 1994, duke çuar në lindjen e një vajze të shëndetshme – e cila sot është 30 vjeç dhe nënë e një vajze 10-vjeçare. Tre embrionet e mbetura u ruajtën në ngrirje, ndërsa Lydia vazhdoi të paguante 1,000 dollarë në vit për mirëmbajtjen e tyre.
“Gjithmonë kam dëshiruar me dëshpërim një fëmijë tjetër,” tha Lydia. “I quaja ato ‘tre shpresat e mia të vogla’.”
Pas divorcit dhe fillimit të menopauzës, ajo vendosi të dhuronte embrionet – me kushtin që të dinte se kujt do t’i shkonin.
Dëshira për kontakt dhe ngjashmëria e pabesueshme
Lydia zgjodhi të përdorte programin e adoptimit të embrioneve të Nightlight Christian Adoptions, i cili lejon kontakt mes donatorëve dhe prindërve adoptues.
Sot, ajo mezi pret të takojë vogëlushin Thaddeus dhe beson se ai tashmë ngjan shumë me vajzën e saj.
“Kur Lindsay më dërgoi fotot e tij, menjëherë vura re sa shumë i ngjan vajzës sime kur ishte foshnjë,” tha ajo e emocionuar.
“E hapa albumin e fotove të saj dhe nuk ka dyshim: Janë vëlla e motër.”
Top Channel
