Ndër më të lartat njoftuar nga SHBA, Zvicra reagon me keqardhje pasi Trump caktoi tarifa prej 39%: Pavarësisht përparimit në bisedimet dypalëshe… 01/08 18:25
Vllaznia i ka dhënë fund aventurës së saj europiane, pas disfatës në ndeshjen e kthimit përballë Vikingur Reykjavik, duke u mundur vetëm pas kohës shtesë 4-2.
Edhe pse fituan takimin e parë, shkodranët bënë të pamundurën për t’u kualifikuar, por një gol në fund dhe një shtesë ishin ato që i dhanë fund ëndrës europiane.
Vendasit kaluan në avantazh në minutën e 10’ me anë të Hafsteinsson, por Balaj barazoi falë një penalltie në minutën e 26’.
Pjesa e dytë nisi po njësoj për islandezët, të cilët kaluan sërish në avantazh, kësaj radhe me Hansen në minutën e 55’.
Ne minutën e 85’, ishte sërish Balaj që barazoi pësëri me një penallti, por shpresa e shkodranëve u venit pas një minute, kur sërish Hansen kaloi në avantazh vendasit dhe çoi sfidën në shtesë.
Në kohën shtesë, islandezët shënuan dhe golin e katërt me Thorkelsson, ndërsa shkodranët e mbyllën takimin me 10 lojtarë pas daljes me të kuq të Tafilit në minutën 112’.
Kështu Vllaznia mbyll aventurën e saj europiane në turin e dytë të Conference League, teksa Edi Martini do të duhet të nisë përgatitjet për startin e kampionatit.
REZULTATI:
Vikingur Reykjavik 4-2 Vllaznia
Hafsteinsson 10’, Hansen 55′, 86′, Thorkelsson 94’/ Balaj (P) 26’, (P) 85′
Top Channel
