20% e punonjësve janë të huaj/ Nga India deri në Filipine, si po zëvendësohen shqiptarët
14/07 19:52
Digjitalizimi i sistemit të pagesave, efikasiteti në shërbime, si dhe më pak kosto nuk i ka nxitur individët dhe bizneset të kryejnë më shumë transaksione nëpërmjet sektorit bankar në muajin qershor.
Të dhënat e Bankës së Shqipërisë tregojnë se përmes sistemeve AIPS dhe AIPS EURO numri i transaksioneve ka rënë në 14 mijë e 728 ndërsa vlera ka arritur në 922 mld lekë, 3.27% se një muaj më parë.
“Rritja e transaksioneve tregon një përdorim më masiv të kartave dhe një pajisje të gjitha pikave tregtare me pose bankare që e bëjnë më të mundur dhe individët që kërkojnë të kenë të kanalizuar në rrugë zyrtare kjo për të evituar abuzimet e tregtare”, tha Violdi Danaj-ekspert ekonomie.
Ndonëse në monedhën euro trasaksionet janë më të shumta në numër, në vlerë janë më pakta se në lekë. Ky tregues ka arritur në 34 mijë e 534 transaksione por ndërsa janë qarkulluar 510 mln euro në muajin qershor. Sipas ekspertëve kjo lidhet ndjeshëm me cilësinë e turistëve që vijnë.
“Rritja në euro ka ardhur si pasojë e rritjes së turizmit të huajë në numër më te lartë dhe emigrantë që rikthehen. Ndërsa vlera e ulët e tyre shpjegohet pasi turistët shpenzojnë e blejnë më pak. Transaksionet bankare indikatori kryesore për ecuri drejt formalizimit. Politika nxitëse nga qeveria për ta orientuar biznesin drejt tyre komplet”.
Qëllimi kryesor i krijimit të sistemit AIPS Euro është kryerja e pagesave në Euro brenda vendit me kosto më të ulët dhe me një periudhë kohore më të shkurtër. Ndërsa sipas ekspertëve modernizimi I sistemit të pagesave do zgjerohet edhe më tej me hyrjen në funksion edhe të SEPA.
Top Channel
