Gjermania miraton projektbuxhetin për 2026, miliarda euro për mbrojtjen 30/07 13:29
CNN thotë se zotëron një regjistrim audio në të cilën Donald Trump dëgjohet të pohojë gjatë një takimi privat me donatorë në 2024-tën se dikur kishte tentuar ta pengonte presidentin rus Vladimir Putin nga vendimi për të sulmuar Ukrainë, duke kërcënuar se SHBA-ja do të “bombardonte Moskën.
“Me Putinin, unë thashë: ‘Nëse hyni në Ukrainë, do ta bombardoj Moskën deri në palcë. Po ju them se nuk kam zgjidhje tjetër’”, dëgjohet të thotë republikani gjatë eventit për mbledhje fondesh.
“Putini u përgjigj se nuk më besonte, por më besoi 10%”, vazhdon komenti i Trumpit.
Më tej, ai pretendon se i kishte përcjellë një paralajmërim të ngjashëm edhe kreut të shtetit kinez në lidhje me një pushtim të mundshëm të Tajvanit, duke i thënë se në këmbim, Shtetet e Bashkuara do të bombardonin Pekinin.
“Ai mendonte se isha i çmendur”, tha Trump duke iu referuar Xi Jinping, përpara se të shtonte se në fakt, “nuk kemi pasur kurrë probleme”. Ky regjistrim nuk është transmetuar ndonjëherë më parë. Ndihmësit e fushatës së Trumpit nuk pranuan të komentonin mbi përmbajtjen e kasetave.
Ndërkohë një ditë më parë, Trump shprehu përsëri zhgënjim me rezistencën e Putinit ndaj një marrëveshjeje paqeje, e tha se është shumë i pakënaqur me të.
Top Channel
