Kontrolli i befasishëm i një banese në Lushnjë ka zbuluar një rast të armëmbajtjes pa leje.
Nga rrugët operative policia ishte informuar se një 50-vjeçar i identifikuar si Vladimir Çela në Lushnjë mbante armë në banesë.
Sikurse duket nga pamjet, në pjesën e jashtme të banesës së tij në Karbunarë, policia gjeti të fshehur një armë zjarri pistoletë, ndërsa u gjet po ashtu 1 armë zjarri kallashnikov, 1 armë gjahu çifte, 3 krëhëra dhe dhjetëra fishekë luftarak.
50-vjeçari u arrestua në kushtet e flagrancës ndërsa nuk dihet se pse i mbante armët në banesë.
Ndaj tij rëndon vepra penale “armëmbajtje pa leje” ndërsa materialet i kalojnë në dorë Prokurorisë pranë Gjykatës së Fierit.
Top Channel
