Starship 36, një nga anijet kozmike gjigante të SpaceX me të cilën Elon Musk aspiron – ndër të tjera – të “pushtojë” Marsin, shpërtheu të mërkurën vonë në mbrëmje gjatë një prove rutinë në qendrën e kompanisë në Starbase, Teksas.
Incidenti, i cili ndodhi pak para një prove statike të planifikuar, shkaktoi shkatërrimin e anijes kozmike dhe ndoshta dëmtime në infrastrukturën përreth, pa shkaktuar fatmirësisht lëndime.
Të mërkurën në mbrëmje, pak para orës 23:00 (ora lokale), SpaceX ishte në fazën e fundit për provën statike që është një fazë përgatitore për fluturimin e 10-të të Starship, kur ndodhi një shpërthim i fuqishëm në vendin e testimit Massey.
Sipas analistëve, shpërthimi ndodhi rreth 30 minuta pasi filloi ngarkimi i lëndës shtytëse dhe para se të aktivizohej testi statik, në të cilin motorët ndizen pa u nisur automjeti.
BREAKING: SpaceX Starship explodes during static fire test pic.twitter.com/ChTSKp3KIO
— BNO News (@BNONews) June 19, 2025
Kompania njoftoi se rreth vendit të ngjarjes ishte krijuar një zonë sigurie dhe siguroi se i gjithë personeli ishte i sigurt. “Nuk ka rreziqe për banorët e zonave përreth”, tha SpaceX, duke u bërë thirrje qytetarëve të qëndrojnë larg ndërsa procedurat e sigurisë janë në vazhdim.
On Wednesday, June 18 at approximately 11 p.m. CT, the Starship preparing for the tenth flight test experienced a major anomaly while on a test stand at Starbase. A safety clear area around the site was maintained throughout the operation and all personnel are safe and accounted…
— SpaceX (@SpaceX) June 19, 2025
Dy orë pas shpërthimit, zjarri në vend mbeti aktiv. Kamerat e NASASpaceflight transmetuan imazhe të drejtpërdrejta të flakëve dhe mobilizimin e forcave të zjarrfikësve. Rreth 90 minuta pas shpërthimit, SpaceX lëshoi një deklaratë zyrtare nëpërmjet X (ish Twitter): “Të mërkurën, më 18 qershor, afërsisht në orën 23:00 sipas orës CT, Starship, duke u përgatitur për fluturimin e saj të 10-të provë, përjetoi një anomali serioze ndërsa ishte në shtratin e provës në Starbase. Një zonë sigurie u vendos dhe i gjithë personeli është i sigurt dhe i llogaritur. Ekipi ynë po punon për të menaxhuar në mënyrë të sigurt vendin, në koordinim me autoritetet lokale.”
Shkaku i shpërthimit dhe shkalla e dëmit nuk janë sqaruar ende, por incidenti vjen pas shpërthimeve të mëparshme gjatë fluturimeve të 7-ta, 8-ta dhe 9-ta provë të Starship në vitin 2024, duke përforcuar shqetësimet në lidhje me besueshmërinë e përgjithshme të programit. Testi përfshinte anijen kozmike V2 Starship, e cila, sipas Elon Musk, ka një kapacitet më të madh karburanti, masë të reduktuar dhe besueshmëri të rritur. Në të njëjtën kohë, SpaceX ka njoftuar se po përgatit versionin e tretë (V3), duke synuar të jetë në gjendje të lëshohet çdo javë në vitin 2026.
Top Channel
