Një ngjarje e rëndë ka ndodhur në mesditën e sotme në Mat.
Një 22-vjeçar është mbytur në një lumë, pranë Shkopetit.
Gazetarja e Top Channel, Brixhilda Deda, raporton se i riu dyshohet të ketë qenë duke u larë në lumë bashkë me disa kushërinj të tij.
Sipas burimeve nga policia, trupi i të riut është nxjerrë nga banorët e zonës dhe policia.
Njoftimi:
Rreth orës 16:00, është njoftuar Salla Operative se në fshatin Skuraj, në lumin Mat, shtetasi K. E., duke u larë në lumë, dyshohet se është rrëmbyer nga rrjedha e lumit dhe për pasojë ka humbur jetën.
Shërbimet e Policisë, në bashkëpunim me banorët e zonës, kanë gjetur dhe nxjerrë trupin e pajetë të 22-vjeçarit dhe kanë transportuar në morg për veprime të mëtejshme.
Grupi hetimor nën drejtimin e Prokurorisë vijon punën për sqarimin e rrethanave të ngjarjes dhe përcaktimin e shkakut të humbjes së jetës.
Top Channel
