Para për të afërmit dhe investime në Shqipëri! Rriten remitancat në 3-mujorin e parë, arrijnë 251 mln euro 10/06 19:51
Turistët po tregohen më dorëlëshuar në pushimet që po zhvillojnë në Shqipëri, ndërsa vendi ynë po fiton më shumë nga ky sektor.
1.62 milionë turistë shpenzuan 874.36 milionë euro në 3 muajt e parë, me një rritje prej afro 11% krahasuar me të njëjtën periudhë të vitit 2024. Ose thënë ndryshe, një i huaj shpenzoi mesatarisht në vendin tonë 537 euro për person, nga 513 euro në tremujorin e parë të 2024.
Pas nuk mbeten as shpenzimet e shqiptarëve jashtë vendit. Muajt janar-shkurt-mars i nxitën shqiptarët të udhëtonin më shumë jashtë vendit, duke regjistruar 579 milionë euro shpenzime, me një rritje 11% me bazë vjetore. Mesatarisht, 1 shqiptar shpenzoi 307 euro.
Bilanci i turizmit mbetet pozitiv. Diferenca midis shpenzimeve të turistëve të huaj në vend dhe atyre të shqiptarëve jashtë ka arritur në 295.32 milionë euro, niveli më i lartë ndonjëherë për një tremujor të parë. Ky bilanc pritet të përmirësohet, teksa parashikohet një rritje e mëtejshme e të huajve në vend edhe në vitin 2025.
Shqipëria po vizitohet më së shumti nga turistët nga Europa, por pas nuk mbeten as ata nga Amerika, Afrika, Azia dhe Lindja e Mesme. Ndërsa shqiptarët vijojnë më së shumti udhëtimet në Europë, por edhe më gjerë.
Top Channel
