Video/ Italia sheh sërish “makthe”, aventura për në Botërorin 2026 nis me humbjen e thellë ndaj Norvegjisë së Haaland 06/06 22:40
Chelsea është shumë pranë finalizimit të transferimit të sulmuesit premtues Liam Delap nga Ipswich, duke fituar garën ndaj një sërë klubesh të mëdha nga Anglia dhe Europa.
Vendimi i Delap për të zgjedhur “Blutë” konfirmon jo vetëm prioritetin e tij për të vijuar karrierën në “Stamford Bridge”, por njëkohësisht mbyll përfundimisht derën për Armando Brojën që të ketë një vend në klubin londinez.
Sipas “The Athletic”, Delap i ka njoftuar të gjithë klubet e interesuara – përfshirë Manchester United, Newcastle, Everton, Nottingham Forest, Milan dhe Juventus – se do t’i refuzojë për t’u transferuar te Chelsea. Sulmuesi 22-vjeçar, i biri i ish-futbollistit Rory Delap, ka shkëlqyer këtë sezon me 12 gola për Ipswich, dhe klauzola e lirimit prej 30 milionë paundësh ka nxitur interes nga shumë klube elitare.
Trajneri i Ipswich, Kieran McKenna, konfirmoi ditë më parë se Delap po shqyrtonte të ardhmen pas rënies së skuadrës nga Premier League, dhe tani duket se vendimi është marrë.
Për Chelsean, ardhja e Delap do të thotë se fokusi për repartin ofensiv është i mbyllur, duke larguar përfundimisht mundësinë që Armando Broja të rikthehet te Blutë, pas huazimit dhe një sezoni të vështirë te Everton.
Ky zhvillim gjithashtu mund të ndikojë në planet e merkatos për emra si Viktor Gyokeres dhe Benjamin Sesko, të cilët ishin përfolur si objektiva të Chelseat, por tani janë më afër objektivave të Arsenalit apo Manchester United.
Ndërkohë, “Djajtë e Kuq” pritet të përqendrojnë vëmendjen e tyre te transferimi i Matheus Cunha nga Wolves për rreth 62.5 milionë paund.
Top Channel
