Përmbysje spektakolare, Chelsea mund Betis në finalen e Conference League dhe shkruan historinë e futbollit europian 28/05 22:58
Lamine Yamal do vazhdojë të jetë lojtar i Barcelonës të paktën deri në vitin 2031.
Klubi katalanas njoftoi sot se ka rinovuar zyrtarisht kontratën e yllit të tij të ri në një ceremoni të mbajtur në zyrat e tij, ku morën pjesë presidenti Joan Laporta, agjenti i famshëm portugez Jorge Mendes dhe vetë lojtari.
Ky është një zgjatje kyçe për të mbrojtur një nga lojtarët më premtues në futbollin botëror, i cili tashmë ka shkëlqyer këtë sezon me 55 ndeshje, 18 gola dhe 25 asiste pavarësisht moshës së tij të re.
Kontrata e re përfshin një rritje page bazuar në performancë, si dhe bonuse të konsiderueshme, përfshirë një të veçantë nëse Yamal fiton Topin e Artë.
Marrëveshja vjen përpara se lojtari t’i bashkohet skuadrës së kombëtares spanjolle për Final Four të Ligës së Kombeve dhe në një kohë kyçe për të shmangur interesin në rritje nga klubet e mëdha evropiane.
Me këtë rinovim, Barcelona forcon projektin e saj afatgjatë, siguron një nga asetet e saj më të mëdha dhe dërgon një mesazh të qartë besimi në talentin që ka dalë nga akademia e saj e të rinjve.
Top Channel
