Dokumentari i Vinicius Jr. drejt gjyqit, klubi spanjoll hedh akuza ndaj yllit të Realit: Nuk përputhet me realitetin 19/05 17:13
Ndërsa kanë mbetur vetëm 90 minuta deri në përfundimin e sezonit, Napoli dhe Juventusi janë ende në ndjekje të objektivave të tyre sportivë.
Por ndërkohë që fusha mbetet vendimtare, prapaskenat e merkatos kanë nisur të nxehen.
Dy klubet e mëdha italiane rrezikojnë të përplasen në disa fronte të rëndësishme gjatë verës, si në zgjedhjen e trajnerit ashtu edhe në afrimet e bujshme në sulm.
Sipas raportimeve të gazetarit Alfredo Pedullà, javën e kaluar ka pasur një takim interesant në margjinat e Kampionatit Ndërkombëtar të Tenisit në Romë: presidenti i Napolit, Aurelio De Laurentiis, është parë duke biseduar me Massimiliano Allegrin.
Ish-trajneri i Juventusit është një emër i dashur për De Laurentiis-in, i cili kishte tentuar ta sillte në Napoli që në pranverën e vitit 2021 përpara se të firmoste me Luciano Spallettin.
Allegri mbetet një kandidat serioz për stolin e Napolit në rast se Antonio Conte largohet, pavarësisht kontratës së tij aktuale që zgjat deri në vitin 2027.
Një rikthim sensacional i Contes te Juventusi, pas 11 vitesh, nuk përjashtohet. Në këtë kontekst, takimi me Allegrin shihet si një lëvizje strategjike nga ana e Napolit, edhe pse vendimet përfundimtare priten pas përfundimit të kampionatit.
Një nga arsyet pse AdL preferon Allegrin është qasja e tij më e thjeshtë në menaxhimin e merkatos, në kontrast me kërkesat e shumta të Contes.
Napoli do të përballet me një sezon të ngjeshur, ku përveç Ligës së Kampionëve, do të synojë të konkurrojë edhe në Kupën e Italisë dhe Superkupën, ndaj do të kërkojë përforcime të qëndrueshme pa shpenzime të ekzagjeruara.
Ndërkohë, Juventusi ka prioritet një tjetër: një sulmues i ri. Me kontratën e Dusan Vlahoviç që skadon në vitin 2026 dhe pa sinjale për rinovim, bardhezinjtë janë në kërkim të alternativave. Randal Kolo Muani do të rikthehet te PSG pas huazimit, por çmimi i tij prej 40-50 milionë eurosh është i papërballueshëm për momentin.
Ëndrra e drejtorit sportiv Cristiano Giuntoli është Victor Osimhen. Sulmuesi nigerian, i cili sapo është shpallur kampion në Turqi me Galatasaray, shihet si profili ideal për të udhëhequr sulmin e ri të Juventusit. Bardhezinjtë janë gati të ofrojnë deri në 85 milionë euro për shërbimet e tij – 10 milionë më shumë se klauzola e tij e largimit e vlefshme për klubet jashtë Italisë.
Verës po i shtohet zjarr, dhe përballja mes Napolit dhe Juventusit nuk do të jetë më vetëm në fushë.
Top Channel
