Fitorje me përmbysje e Milanit, kuqezinjtë japin sinjalet me Bolognën para finales së Kupës së Italisë 09/05 22:56
Eraldo Çinari, ish-sulmuesi i Vllaznisë dhe Partizanit, ka arritur një sukses të rëndësishëm në karrierën e tij futbollistike jashtë kufijve të Shqipërisë.
Sulmuesi 28-vjeçar është shpallur kampion i Armenisë me skuadrën e Noah, duke fituar trofeun e parë personal në një kampionat të huaj.
Skuadra e Noah triumfoi në elitën e futbollit armen pas një sezoni të ngjeshur, ndërsa kontributi i Çinarit ka qenë i rëndësishëm gjatë këtij rrugëtimi.
Ai iu bashkua ekipit në fillim të sezonit dhe ka arritur të fitojë besimin e trajnerit me paraqitje të qëndrueshme dhe gola të rëndësishëm.
Për Çinarin, ky është një hap i madh në karrierë, pasi pas eksperiencave në Superligën shqiptare dhe një periudhe jashtë vendit në Turqi, tashmë ai kurorëzon me sukses një tjetër aventurë ndërkombëtare.
Ky trofe vjen si një shpërblim për punën dhe përkushtimin e tij, dhe mund të jetë një trampolinë për një hap të ri në arenën europiane.
Top Channel
