Qarkoni datën në kalendar, ja kur do të luhet finalja e Champions League mes PSG-së dhe Interit

07/05/2025 22:56

Finalja e madhe e Ligës së Kampionëve për sezonin 2024/2025 është zyrtarisht e përcaktuar: Paris Saint-Germain do të përballet me Interin më 31 maj 2025 në stadiumin Allianz Arena të Mynihut, Gjermani, ora 21:00.

Pas një rruge të gjatë dhe të vështirë në turneun më prestigjioz të futbollit europian, dy nga ekipet më të forta të kontinentit do të përplasen për trofeun më të lakmuar në nivel klubesh.

PSG, e udhëhequr nga Luis Enrique, siguroi finalen pas dy fitoreve të ngushta ndaj Arsenalit, ndërsa Interi eliminoi Barcelonën me një paraqitje mbresëlënëse, duke siguruar një vend në aktin final të Mynihut.

A do të fitojë PSG për herë të parë në histori trofeun e madh, apo do ta rikthejë Interi në Milano për herë të katërt Ligën e Kampionëve? Përgjigjja do të jepet më 31 maj.

Top Channel

BILETA Portokalli - AG SHOW - Bileta