“Marrim mandat në Dibër”, Tom Doshi: Programi ynë përfshin të gjitha shtresat në nevojë 04/05 15:12
Peshëngritësja shqiptare Enkileda Çarjan ka shkëlqyer në Kampionatin Botëror të Peshëngritjes për të rinj, duke u shpallur Kampione Bote e trefishtë dhe duke thyer tre rekorde evropiane për grupmoshën U20.
Në garën e zhvilluar në Lima të Perusë, 17-vjeçarja arriti të dominosë në stilin e shkëputjes, shtytjes dhe në total, duke siguruar tre medalje ari për të rinjtë deri në 17 vjeç.
Por suksesi i saj nuk u ndal këtu — Çarjan mori gjithashtu medaljen e bronztë në renditjen e përgjithshme për kategorinë U20, duke sfiduar peshëngritëse më të mëdha në moshë.
Ky rezultat historik shënon një tjetër arritje madhore për sportin shqiptar, ndërsa emri i Enkileda Çarjan tashmë është futur në librin e rekordeve evropiane për të reja, pas paraqitjes spektakolare në platformën botërore.
Kjo arritje u komplimentua dhe nga presidenti Bajram Begaj, i cili në një postim në rrjetet sociale shkruan: “Shumë urime për Enkileda Çarjan, e cila u shpall Kampione Bote e trefishtë në Botërorin e Peshëngritjes, theu 3 rekorde evropiane për të reja, si dhe arriti të marrë medalje bronzi për U20!
Krenarë për arritjet e Enkiledës dhe punën e përkushtuar të trajneres së saj, Eglantina Kalemi!”.
Top Channel
