Kreu i Partisë Socialiste është ndalur në një takim përmbyllës elektoral këtë të martë në Patos.
Para mbështetësve të tij Edi Rama u ka kërkuar atyre votën në 11 maj, me premtimin dhe bindjen se vetëm PS mund ta fusë Shqipërinë në BE.
Në këtë takim, Rama nuk i ka kursyer ironitë për kundërshtarin e tij politik, Sali Berisha.
“Alternativa tjetër kthim pas përsëri, do të zgjidhni mes të mirës së përbashkët dhe interesit të një 80 e kusur vjeçari që do të bëjë përsëri çorap Shqipërinë, që më shumë nuk e di se çfarë thotë sesa di çfarë flet”, tha Rama.
“Duhet të vendosim kurajon që Shqipëria e 2030 të jetë Shqipëri e europiane, që ky flamuri më i bukur në botë të ngjitet në majën ku qëndron ajo shtëpi dhe të mbetet në atë oborr”, tha ai.
“Në 11 maj do marrim fitore rekord në qarkun e Fierit, në kryeqytetin e socialistëve”, e mbylli ai fjalën.
Top Channel
