“Do të kemi bankën tonë të zhvillimit”/ Rama në Shkodër: Me futjen në BE, produktet bio do të jenë ofertë luksi 26/03 13:04
Shqipëria dhe Maqedonia e Veriut do të përfitojnë parafinancim në kuadër të Planit të Rritjes së BE-së për të vijuar rrugën drejt integrimit në Bashkimin Evropian.
Komisionerja për Zgjerimin në Bashkimin Europian, Marta Kos përmes një postimi në rrjetin social “X”, thekson se kjo do të nxisë zbatimin e reformave kyçe për të nxitur rritjen, përmirësimin e jetës së qytetarëve dhe afrimin e vendeve me BE-në.
“Urime për Maqedoninë e Veriut dhe Shqipërinë për vendosjen e ritmit në Ballkanin Perëndimor për të marrë parafinancim në kuadër të Planit të Rritjes së BE-së! Kjo duhet të nxisë zbatimin e reformave kyçe për të nxitur rritjen, përmirësuar jetën e qytetarëve dhe afruar vendet më shumë me BE-në”, ka shkruar Kos.
Congratulations to North Macedonia and Albania for setting the pace in the Western Balkans to receive pre-financing under the 🇪🇺 Growth Plan!
This should fuel their implementation of key reforms to drive growth, improve citizens’ lives & bring the countries closer to the EU.
— Marta Kos (@MartaKosEU) March 24, 2025
Shqipëria do të përfitojë 922 milionë euro kredi dhe grante deri në vitin 2027 nga Bashkimi Europian në kuadër të Planit të Rritjes për Ballkanin Perëndimor.
E ndarë në sektorë të veçantë, pjesa më e madhe e fondeve shkojnë për reformat në drejtësi, afërsisht 267.7 milionë euro.
Përmirësimi i klimës së biznesit po ashtu merr një rëndësi të veçantë sa i takon fondeve grant dhe kredi, në një vlerë prej 209 milionë euro.
Sektori i energjisë dhe tranzicioni i gjelbër kanë marrë një rëndësi të veçantë për Bashkimin Europian, fushë në të cilën do të shpenzohen për 3 vite afërsisht 127.8 milionë euro. Po ashtu për zhvillimin e teknologjisë do të shkojnë afërsisht 127.8 milionë euro.
Top Channel
