Pas më shumë se 12 orësh, përfundojnë bisedimet mes SHBA-së dhe Rusisë në Arabi Saudite 24/03 23:15
Presidenti amerikan, Donald Trump ka urdhëruar Prokuroren e Përgjithshme, Pam Bondi të rishikojë sjelljen e avokatëve dhe firmave ligjore që administrata konsideron se kanë ngritur padi joserioze kundër administratës Trump ose kanë tentuar të bllokojnë nismat e emigracionit, duke zgjeruar goditjen e presidentit ndaj komunitetit ligjor në Shtetet e Bashkuara.
Në një memorandum të vonë të natës, Trump rishikoi inatet e së kaluarës kundër avokatëve që e kanë kundërshtuar dhe u zotua të ndëshkojë avokatët dhe firmat ligjore duke shfuqizuar lejet e sigurisë dhe duke anuluar kontratat federale që ata mbajnë.
Memorandumi drejton Prokuroren e Përgjithshme “të kërkojë sanksione kundër avokatëve dhe firmave ligjore që përfshihen në procese gjyqësore joserioze, të paarsyeshme dhe shqetësuese kundër Shteteve të Bashkuara ose në çështjet përpara departamenteve dhe agjencive ekzekutive të Shteteve të Bashkuara”.
Bondi është urdhëruar gjithashtu “të rishikojë sjelljen e avokatëve ose firmave të tyre ligjore në proceset gjyqësore kundër Qeverisë Federale gjatë 8 viteve të fundit” për të përcaktuar dhe rekomanduar presidentit “hapa shtesë që mund të ndërmerren, duke përfshirë rivlerësimin e certifikatave të sigurisë të mbajtura nga avokati, përfundimin e çdo kontrate për të cilën avokati ose firma ligjore përkatëse është punësuar për të kryer shërbime të tjera të përshtatshme veprimi”.
Ndikimi aktual i memorandumit është i paqartë, sepse gjuha e gjerë nuk përcakton se çfarë sjellje do të kërkonte ndëshkim për avokatët dhe firmat ligjore.
Memorandumi fokusohet kryesisht te avokatët e përfshirë në çështjet e imigracionit dhe urdhëron prokurorin e përgjithshëm të paraqesë ankesa për sjellje të pahijshme kundër avokatëve që administrata përcakton se kanë vepruar në mënyrë të pahijshme.
Top Channel
