Gjykata e Durrësit urdhëroi lirimin e shumë prej të arrestuarve për shpërndarje narkotikësh pranë shkollave në Kavajë.
Pas një seance të gjatë gjyqësore, e zhvilluar pa praninë e mediave, gjyqtarja Suela Xhani liroi 8 prej 13 të arrestuarve, ku për 7 prej tyre u caktua masa “detyrim paraqitje” dhe ndalimi i daljes jashtë shtetit, ndërsa një tjetër vetëm në “detyrim paraqitje”.
Një tjetër i ndaluar u la në “arrest shtëpie”, ndërsa për 4 të tjerë, përkatësisht shtetasit Arben Xhihani, Kujtim Veizi, Serxho Abazi dhe Renaldo Gjondeda, u caktua masa shtrënguese “arrest me burg”. 13 personat u ndaluan gjatë operacionit policor “Winter”, që synonte goditjen e shpërndarësve të drogës pranë shkollave në Kavajë.
Operacioni, i zhvilluar të dielën, u konsiderua nga policia si një nga aksionet më të mëdha në këtë qytet.
Top Channel
