Ambasadori i Bashkimit Evropian në Shqipëri, Silvio Gonzato në një tryezë të organizuar nga Qendra për Studim dhe Demokraci ka ritheksuar mbështetjen ndaj Prokurorisë së Posaçme SPAK dhe reformës në drejtësi.
“Do vazhdojmë punën me SPAK dhe me drejtësinë. Duhet të kemi besim tek arkitektura e reformës në drejtësi. Llogaridhënia dhe pavarësia qëndrojnë në thelb të çdo shoqërie demokratike”, tha Gonzato.
Ndërkohë, ambasadori ka shprehur gatishmërinë e BE-së për të vazhduar mbështetjen e reformave në drejtësi në Shqipëri.
“Pavarësia duhet që të drejtpeshohet, si prsh rishikimi i pavarësisë. Të gjithë aktorët kanë rolin e tyre për të luajtur. Kemi parë rezultate në luftimin e krimit e organizuar, atë kibernetik dhe financiar. Do vazhdojmë t’i japim mbështetje reformës në drejtësi”, shtoi Gonzato.
Top Channel
